على ذاك الطريق اللي يسمونه غياب أحباب
جلسـت اتبـع خطاويكـم بعـد مانتـم تركتـونـي
وعلى نفس الأمل جالـس أسامـر لوعتـي بعتـاب
اكف الدمـع فـي عينـي حسافـه ليـت اخذتونـي
ترى أنتوا من تركتوني خفوقي في غرامه ذاب
حرام شلون سافرتـوا حسافـه مارحمتونـي
تـرى بغيابكـم عنـي طعنّـي أقـرب الأقراب
وانـا والله كنت أتمنـى قبـل تمشـوا ذبحتونـي
بعيني و الله شـيء عـادي إذا جافوني الأقـراب
وأموت ألفين ابـو موتـه ولا إنتـم جفيتونـي
و أنا ماهمنـي و الله إذا خانـوا بـي الأصحـاب
ولا هموني كل الناس لو صاحوا ونادوني
تحيرنـي سؤالاتـي وأدور للغـيـاب أسـبـاب
أدور شـي يستاهـل لأجـل عينـه حرمتـونـي؟؟
أمانه ليش من غبتوا احـس الكـون كلـه غـاب؟؟
أمانه بس بسألكـم لأجـل منهـو نسيتونـي؟؟
و أنا اتلمس أعذاري وأقول إن الزمن كـذاب
نعـم كـذاب ياقلبي عشـان إنـتـم وعدتـونـي
و انا جالس مع جروحي على أول سكـة الغيّـاب
على نفس الطريـق اللـي علـى اولهـا تركتونـي
وعلى نفس الطريق اللي يسمونـه "غيـاب أحبـاب"
أمانـه حـيـل ضمـونـي إذا انـتـم لقيتـونـي
وإذا جيتوا ولا شفتوا سوا عظامن عليها تـراب!
أمانـه احسنـوا دفنـي إذا إنتـم دفنتــونـي
الخميس يناير 03, 2008 9:25 am